એકતા કપૂર અને તેની માતા શોભા કપૂર સામે પોક્સો એક્ટ હેઠળ કેસ દાખલ થયો છે. હાલ તેઓ કાયદાકીય મુશ્કેલીમાં મૂકાયા છે. માતા-પુત્રીની આ જોડી પર આરોપ મૂકવામાં આવ્યો છે કે તેમણે અલ્ટ બાલાજી પર ચાલતી ગંદી બાત સીઝન 6ના એક એપિસોડમાં સગીર છોકરીઓ સાથે સંકળાયેલા અયોગ્ય દ્રશ્યો બતાવ્યા હતા.
ન્યૂઝ એજન્સી એએનઆઈ અને મુંબઈ પોલીસના જણાવ્યા અનુસાર બાલાજી ટેલિફિલ્મ લિમિટેડ, એકતા કપૂર અને તેની માતા શોભા કપૂર વિરુદ્ધ મુંબઈના એમએચબી પોલીસ સ્ટેશનમાં આઈપીસી, આઈટી એક્ટની કલમ 295-એ અને પોક્સો એક્ટની કલમ 13 અને 15 હેઠળ કેસ નોંધવામાં આવ્યો છે.
ફરિયાદમાં લખ્યું છે કે, ફેબ્રુઆરી 2021થી એપ્રિલ 2021 વચ્ચે અલ્ટ બાલાજી પર સ્ટ્રીમ થયેલી આ સીરિઝમાં સગીર યુવતીઓના અશ્લીલ દ્રશ્યો જોવા મળ્યા હતા. જો કે આ વિવાદાસ્પદ એપિસોડ હાલ આ ડિજિટલ પ્લેટફોર્મ પર સ્ટ્રીમ થઇ રહ્યો નથી.
પોક્સો એક્ટ હેઠળ કેસ દાખલ થયા બાદ એકતા કપૂરને શું દંડ થઈ શકે છે?
રાષ્ટ્રીય માનવ અધિકાર પંચના જણાવ્યા અનુસાર, જાતીય પ્રસન્નતાના હેતુઓ માટે કોઈપણ પ્રકારના મીડિયા (ટીવી, ઇન્ટરનેટ વગેરે)માં બાળકનો ઉપયોગ કરવો એ બાળકનો પોર્નોગ્રાફી માટે ઉપયોગ કરવાનો ગુનો સમાન છે. જેમાં બાળકના યૌન અંગોને દેખાડવું.- પેનિટ્રેટિવ સેક્સ્યુઅલ અસોલ્ટ અથવા બાળકનો વાસ્તવિક અથવા સિમ્યુલેટેડ યૌન ક્રિયાઓમાં ઉપયોગ કરવો. બાળકને અશોભનીય કે અશ્લીલ રીતે બતાવવું. આ તમામને ગુનામાં ગણતરી કરવામાં આવે છે.
પોર્નોગ્રાફી માટે બાળકનો ઉપયોગ કરવા પર 5 વર્ષ સુધીની કેદની સજા, તેમજ દંડની ચૂકવણીની સજા છે. જો ગુનો પુનરાવર્તિત થાય છે, તો કેદની સજાની સજા થઈ શકે છે
