અમદાવાદમાં 25 અને 26 જાન્યુઆરીએ કોલ્ડપ્લે કોન્સર્ટ યોજાવાની છે ત્યારે બંન્ને શોની ટિકીટો માત્ર બે કલાકમાં જ સોલ્ડ આઉટ થઈ ગઈ છે. એક અંદાજ પ્રમાણે આ દિવસોમાં નરેન્દ્ર મોદી સ્ટેડિયમમાં 2 લાખથી વધુ લોકો આ કોન્સર્ટ જોવા એકત્ર થશે. બીજી તરફ મુંબઈમાં ત્રણ શો ઓલરેડી હાઉસફુલ થઈ ગયા છે. એની ટિકિટો લાખોમાં બ્લેકમાં વેચાઈ હતી. ત્યારે અમદાવાદમાં કોન્સર્ટ યોજાવાની છે ત્યારે શહેરની હોટલ્સ આ દિવસોમાં હાઉસફુલ થઈ જશે. કોલ્ડપ્લેનો 25 જાન્યુઆરીનો શો અને તેની ટિકીટ વેચાઇ થતાં બુક માય શો દ્વારા ચાહકો માટે 26 જાન્યુઆરીએ બીજો શો જાહેર કરવામાં આવ્યો હતો.
અમદાવાદમાં અત્યારથી જ 80 ટકા હોટલ્સ બૂક થઈ ગઈ:
અમદાવાદમાં કોલ્ડપ્લેનો કોન્સર્ટ યોજાવાની છે ત્યારે માત્ર દેશમાંથી જ નહીં વિશ્વભરમાંથી લોકો આવશે. આ સંજોગોમાં લોકો અમદાવાદની હોટલમાં પણ રોકાશે. અમદાવાદની જાણીતી અને ફાઈવસ્ટાર હોટલમાં કોન્સર્ટના અગાઉના દિવસના હોટલના ભાવ સામાન્ય દિવસ કરતાં 12 ગણા સુધી વધ્યા છે. તો બીજી તરફ કેટલીક જાણીતી હોટલમાં અત્યારથી જ તમામ રૂમ બુક થઈ ગયા હોવાથી હોટલ પણ હાઉસફુલ છે. હોટલોની બુકિંગ માટે જાણીતી વેબસાઇડ અગોડામાં અત્યારે 24થી 26 જાન્યુઆરીની તારીખોમાં અમદાવાદની 80 % હોટલો બુક બતાવી રહી છે.
આ રીતે થઈ હતી કોલ્ડપ્લે બેન્ડની શરૂઆત:
કોલ્ડપ્લે બેન્ડની શરૂઆત ક્રિસ માર્ટિન અને જોની બકલેન્ડે કરી હતી. બંનેની મુલાકાત 1996માં લંડનમાં થઈ હતી. આ પછી ક્રિસ અને જોનીએ સાથે પર્ફોર્મ કરવાનું શરૂ કર્યું. આ સમયમાં આ બંન્ને ‘બિગ ફેટ નોઈઝ’ અને ‘પેક્ટોરલ્સ’ તરીકે જાણીતા હતા. થોડા સમય પછી બેરીમેન બંનેને મળ્યો અને તે પણ તેમની સાથે જોડાયો. પછી બેન્ડનું નામ બદલીને ‘સ્ટારફિશ’ કરાયું. જો કે ફરી તેનું નામ બદલીને ‘કોલ્ડપ્લે’ કરાયું જે આજે દુનિયાભરમાં ધૂમ મચાવે છે.
