Netflix પ્લેટફોર્મે બહુચર્ચિત ફિલ્મ “દેવરા”નાં ઓટીટી સ્ટ્રીમિંગનાં રાઇટ્સ ખાસ્સી મોટી રકમ ચૂકવીને મેળવી લીધાં છે. જુનિયર એનટીઆરની લોકપ્રિયતા અને માર્કેટને ધ્યાનમાં રાખીને નેટફ્લિક્સે આ ડિજિટલ રાઇટ્સ મેળવવા માટે મોટું રોકાણ કર્યું છે. જેને કારણે કોરટાલા શિવ દિગ્દર્શિત આ ફિલ્મે થિયેટરોમાં બોક્સ ઓફિસના બધા જ રોકોર્ડ્સ તોડી નાખ્યાં છે અને હવે તેની ઓટીટી રિલિઝ મોડેથી થઇ રહી છે.
તાજેતરનાં અહેવાલો મુજબ, થિયેટર રિલિઝનાં છ અઠવાડિયા પછી ‘દેવરા’ 8 નવેમ્બર, 2024ના આસપાસ ઓટીટી પર રિલીઝ થઈ શકે છે. જોકે, આ બાબતની હજુ સુધી કોઈ સત્તાવાર પુષ્ટિ થઇ નથી અને નેટફ્લિક્સે હજુ સુધી આ રિલીઝ વિશે કોઈ સત્તાવાર જાહેરાત નથી કરી. તેથી, દર્શકોને વધુ રાહ જોવી પડશે.
દેવરા ફિલ્મની સ્ટારકાસ્ટમાં અત્યંત લોકપ્રિય એવા એન.ટી.આર જુનિયરની સાથે જાન્વી કપૂર, સૈફ અલી ખાન, પ્રકાશ રાજ, શ્રીકાંત અને શાઇન ટોમ ચાકોનો સમાવેશ થાય છે.
વિદેશોમાં દેવરા બનાવે છે રેકોર્ડ્સ
ભારતમાં જેમ ‘દેવરા’નાં કલેક્શનોએ ઇતિહાસ રચ્યો છે, તેમ વિદેશમાં પણ જુનિયર એન.ટી.આરની આ ફિલ્મની લોકપ્રિયતા ઉત્તરોત્તર વધી રહી છે. ઉત્તરી અમેરિકાના બોક્સ ઓફિસ પર, દેવરાએ 6 મિલિયન ડોલરનો બિઝનેસ કર્યો છે, જે ટોલીવૂડની સૌથી વધુ કમાણી કરનારી છઠ્ઠી ફિલ્મ બની છે. ઓશેનિયા પ્રદેશમાં (ઓસ્ટ્રેલિયા, ન્યુઝીલેન્ડ અને ફિજીમાં), આ ફિલ્મે 1 મિલિયન ડોલર કરતાં વધુની કમાણી કરી છે.
