art show at huthesing visual art center: અમદાવાદ શહેરના હઠીસિંહ વિઝ્યુઅલ આર્ટ સેન્ટર પર કોફી વિથ ક્રિએટીવીટી ગ્રુપ દ્વારા heART 5.O આર્ટ શો યોજાયો છે. આ આર્એટ શોમાં 100 જેટલા આર્ટિસ્ટ જોડાયા છે જેઓ નોનપ્રોફિટ ધોરણે સર્જનાત્મકતા અને સહભાગિતાનો ઉત્સવ સેલિબ્રેટ કરે છે. પ્રદર્શનના મુખ્ય હાઈલાઈટ્સની વાત કરીએ તો 3 વર્ષના પ્રતિભાશાળી બાળમિત્રોથી લઈને 80 વર્ષના આર્ટિસ્ટ અને આર્ટ લવર્સ તેમાં જોડાયા છે.
શોમાં ઇન્ટરેક્ટિવ આર્ટ ઝોન, જાતે પેઇન્ટિંગ બનાવવાનો, શીખવાનો અને બતાવવાનો અનુભવ મળે છે: નિરવ શાહ
આ આર્ટ શો વિશે વિગતે વાત કરતાં કોફી વિથ ક્રિએટીવીટી ગ્રુપનાં નિરવ શાહે કહ્યું કે, ‘અહીં. ઇન્ટરેક્ટિવ આર્ટ ઝોન, જાતે પેઇન્ટિંગ બનાવવાનો, શીખવાનો અને બતાવવાનો અનુભવ પણ મળી શકે છે. ક્રિએટિવ લર્નિંગ વર્કશોપ્સ પણ આ ઈવેન્ટનો જ એક ભાગ છે. આ શોમાં વિશ્વનું સૌથી સર્જનાત્મક વૃક્ષ જે હજ્જારો જેટલા અનોખી રીતે રંગાયેલા પાંદડાઓ સાથેનું ટીમ વર્ક ઇન્સ્ટોલેશન છે તે પણ અહીં જોવા મળે છે. આ વિભાગની કલાના વેચાણથી મળેલી રકમ દાનમાં જશે. એક્ઝિબિશનમાં મહાન વરિષ્ઠ કળાકારોની અનન્ય કૃતિઓ, લાઈવ મ્યુઝિક અને સર્જનાત્મક માહોલ માણવા માટેનું સંપૂર્ણ વાતાવરણ આ શો ક્રિએટ કરે છે.’
પ્રદર્શનના મુખ્ય હાઈલાઈટ્સની વાત કરીએ તો 3 વર્ષના પ્રતિભાશાળી બાળમિત્રોથી લઈને 80 વર્ષના આર્ટિસ્ટ અને આર્ટ લવર્સ તેમાં જોડાયા છે.
ફોટોલાઈન: આર્ટ શોમાં રજુ થયેલ એક સ્કલ્પચર. આવા 100 કરતાં વધારે આર્ટ પિસ અહીં ડિસ્પ્લે થયા છે.
શોમાં આર્ટિસ્ટ કનુ પરૂપરિયાનું રજુ થયેલ એક સ્કલ્પચર.
