પોતાના સુરીલા અવાજથી સમગ્ર બોલિવૂડને મંત્રમુગ્ધ કરી દેનાર જાણીતા ગાયક ઉદિત નારાયણ છેલ્લા કેટલાક દિવસોથી એક કારણથી ચર્ચામાં છે. આનું કારણ એ છે કે તેણે એક લાઇવ શો દરમિયાન એક મહિલા ચાહકને તેમણે ચુંબન આપ્યું હતું. સિંગર ઉદિત નારાયણનો લાઈવ કોન્સર્ટમાં મહિલા ફેનને કિસ કરતો વીડિયો વાયરલ થયો છે અને હાલ તે સોશિયલ મીડિયા પર ચર્ચામાં છે. હવે તેનો પુત્ર આદિત્ય નારાયણ સોશિયલ મીડિયા પર ટ્રોલ થઈ રહ્યો છે. હાલમાં જ આદિત્ય નારાયણ મુંબઈ એરપોર્ટ પર સ્પોટ થયો હતો. આ વખતે તેણે માસ્ક, ચશ્મા અને ટોપી પહેરીને પોતાનો ચહેરો છુપાવી દીધો હતો.
આદિત્ય નારાયણના આ લૂકને જોઇને નેટિઝન્સે તેની મજાક ઉડાવી છે. આદિત્ય નારાયણને 8 ફેબ્રુઆરીએ મુંબઈ એરપોર્ટ પર સ્પોટ કરવામાં આવ્યો હતો. આ વખતે તેણે સિમ્પલ ડ્રેસ પહેર્યો હતો. પરંતુ તેણે માસ્ક અને ચશ્મા પણ પહેર્યા હતા, અને મુંબઈમાં બહુ ઠંડી ન હોવા છતાં, તેણે માથા પર વિન્ટર કેપ પહેરી હતી. આ વખતે તેણે માત્ર પાપારાઝીને હાથથી ઇશારો કર્યો અને ત્યાંથી ચાલ્યો ગયો. તેની એન્ટ્રીનો વીડિયો હાલમાં સોશિયલ મીડિયા પર વાયરલ થઈ રહ્યો છે અને નેટિઝન્સ તેના પર પ્રતિક્રિયા આપી રહ્યા છે.
આદિત્યને જોઈને એક યુઝરે ઉદિત નારાયણ પર કટાક્ષ કરતા કહ્યું કે, “એવું કામ કરો જેથી બાળકે પોતાનું મોઢું ઢાંકીને બહાર ન આવવું પડે.” તો બીજાએ કમેન્ટ કરી કે, “પિતાના કિસનું પરિણામ”. બીજાએ ટિપ્પણી કરી હતી કે “પિતાઓ તેમના પોતાના નામનો મહિમા કરવામાં પુત્રો કરતા આગળ હોય છે”. આ ઉપરાંત આદિત્યએ પોતાનો ચહેરો છુપાવવા અંગે ઘણા લોકોએ કટાક્ષમાં કોમેન્ટ કરી છે અને વીડિયો પર ઘણા નેગેટિવ રિએક્શન પણ વ્યક્ત કર્યા છે.
થોડા દિવસ પહેલા સિંગર ઉદિત નારાયણ ‘ટીપ ટીપ બરસા પાની’ ગીત પર પરફોર્મ કરી રહ્યા હતા ત્યારે એક મહિલા ફેન તેમની સાથે સેલ્ફી લેવા સ્ટેજ પર આવી હતી. ફોટો પડતાં જ સિંગર તેના હોઠ પર કિસ કરી લે છે. આ કિસનો વીડિયો સોશિયલ મીડિયામાં વાયરલ થયો હતો અને વીડિયો વાયરલ થતા જ હોબાળો મચી ગયો હતો.
