A photography exhibition by Vraj Mistry of Ahmedabad: અમદાવાદના ફોટોગ્રાફર વ્રજ મિસ્ત્રી આજે 78 વર્ષની વયે પણ દરરોજ 100 ક્લિક કરે છે. 24 કલાકમાંથી 8 કલાક તેઓ ફોટોગ્રાફીમાં જ પસાર કરે છે. અમદાવાદનાં કનોરિયા સેન્ટર ફોર ઑ્ટસ ખાતે તેમનું ફોટોગ્રાફી એક્ઝિબિશન ‘ટ્રાયબલ લાઈફ થ્રુ માય લેન્સ’શરૂ થયું છે. આ ફોટોગ્રાફી એક્ઝિબિશનમાં 1965થી વ્રજ મિસ્ત્રીએ આદિવાસી ટ્રાયબલ લાઈફ ઉપર કરેલી ફોટોગ્રાફીના ફોટોગ્રાફ રજુ થયા છે. છેલ્લા 61 વર્ષથી વ્રજ મિસ્ત્રી ફોટોગ્રાફી કરે છે.
ફોટોલાઈન: વ્રજ મિસ્ત્રીએ આદિવાસી ટ્રાયબલ લાઈફ ઉપર કરેલી ફોટોગ્રાફીના ફોટોગ્રાફ રજુ થયા છે. છેલ્લા 61 વર્ષથી વ્રજ મિસ્ત્રી ફોટોગ્રાફી કરે છે.
સ્ટૂડિયોનાં ડાર્કરૂમના અંધકારની મહેનત આજે ફળી છે: વ્રજ મિસ્ત્રી
હું છેલ્લા 61 વર્ષથી ફોટોગ્રાફી કરૂ છું. સ્ટૂડિયોનાં ડાર્કરૂમના અંધકારની મહેનત આજે ફળી છે. 78 વર્ષની ઉંમરે આજે પણ અમારા નિહારિકા ગ્રુપમાં ક્યાંક ફોટો ટૂરનું પ્લાનિંગ થાય તો તરત જ તેમાં ભાગ લઈએ છીએ અને ફોટોગ્રાફી કરીએ છીએ. આજના યંગસ્ટર્સ ફોટોગ્રાફીને લઈને હાર્ડવર્ક કરવા નથી માંગતા ત્યારે મારે કહેવું છે કે 20-20 કિમી ચાલીને જઈને પણ અમે ફોટોગ્રાફી કરી છે. ડાંગ હોય, આદિવાસીનું ટ્રાયબલ કલ્ચર હોય કે કચ્છ, બનાસકાંઠા,ગીરનું જંગલ હોય કે ગુજરાત બહારના રાજ્યો હોય. અમે આગલી રાત્રે પ્લાન કરતાં અને બીજા દિવસે સવારે નીકળી પડતા હતાં. ફોટોગ્રાફીને લઈને આવું પેશન હોય તો કામ કરવાની ખરેખર મઝા આવે છે.
ફોટોલાઈન: ડાંગ હોય, આદિવાસીનું ટ્રાયબલ કલ્ચર હોય કે કચ્છ, બનાસકાંઠા,ગીરનું જંગલ હોય કે ગુજરાત બહારના રાજ્યો હોય. ત્યાં જઈને વ્રજ મિસ્ત્રીએ ફોટોગ્રાફી કરી છે.
