બોલિવુડ હોરર કોમેડી ફિલ્મ ભૂલ ભુલૈયા 3′ બોક્સ ઓફિસ પર ધૂમ મચાવી રહી છે! કાર્તિક આર્યન, વિદ્યા બાલન અને માધુરી દીક્ષિતની આ ફિલ્મે 1 નવેમ્બરે રિલીઝ થયા પછી માત્ર ત્રણ દિવસમાં 100 કરોડનો આંકડો પાર કરી લીધો છે.
Sacnilk.com ના રિપોર્ટ પ્રમાણે કાર્તિક આર્યન સ્ટારર ફિલ્મે તેના પ્રથમ ત્રણ દિવસમાં રૂ. 104.50 કરોડની કમાણી કરી છે. ત્રીજા દિવસે રૂ. 32 કરોડની અંદાજ લગાવાયો હતો. આશ્ચર્યની વાત એ છે કે રવિવારે રજા હોવા છતાં ફિલ્મની કમાણીમાં થોડો ઘટાડો જોવા મળ્યો હતો. બીજા દિવસનું કલેક્શન રૂ. 37 કરોડ હતું. નિષ્ણાતો કહે છે કે ફિલ્મએ એકંદરે સારું પ્રદર્શન કર્યું છે. આ રિપોર્ટ પ્રમાણે ફિલ્મનું બે દિવસનું વર્લ્ડવાઈડ કલેક્શન 107 કરોડ થયું છે.કાર્તિકે રવિવારે મુંબઈના ગેઈટી ગેલેક્સી થિયેટરમાં હાજર રહીને ચાહકોને ખુશ કર્યા. તેણે કારની ટોચ પર ઊભા રહીને ‘હાઉસફુલ’ ચિહ્ન લહેરાવ્યું અને ઉત્સાહી ચાહકોને વ્યાપક સ્મિત સાથે આવકાર્યા. અભિનેતાએ ઘણા ઉત્સુક સમર્થકો સાથે સેલ્ફી પણ લીધી અને વાતચીત પણ કરી હતી.
કાર્તિક આર્યને Instagram પર એક રમૂજી વિડિયો શેર કર્યો હતો જેમાં તેની મમ્મી તમામ શો વેચાઈ જવાને કારણે ભૂલ ભુલૈયા 3 માટે ઓનલાઈન ટિકિટ બુક ન કરી શકી તે નારાજગી પણ વ્યક્ત કરી હતી.
ભુલ ભુલૈયા 3 હાલમાં રોહિત શેટ્ટીની સિંઘમ અગેઈન સામે બોક્સ ઓફિસ પર જબરજસ્ત સ્પર્ધામાં છે. એક્શનથી ભરપૂર ફિલ્મમાં અજય દેવગણ, કરીના કપૂર, દીપિકા પાદુકોણ, રણવીર સિંહ, અક્ષય કુમાર અને અર્જુન કપૂર સહિત કલાકારો છે, જે તમામ થિયેટરોમાં નોંધપાત્ર સ્ટાર પાવર ધરાવે છે.
