બોલિવૂડ અભિનેત્રી ગુડ્ડી મારુતિએ તાજેતરમાં જ એક યુટ્યુબ ચેનલ પર પોડકાસ્ટમાં ઇન્ટરવ્યૂ આપ્યો હતો. જેમાં તેણે દિવંગત દિવ્યા ભારતી સાથે કામ કરવાની પોતાની યાદોને શેર કરી હતી. તેમણે કહ્યું કે ” દિવ્યા સરસ છોકરી હતી, પરંતુ થોડી ગડબડ છોકરી હતી.” દિવ્યાના મુક્ત-જુસ્સાદાર વ્યક્તિત્વને યાદ કરતા, ગુડ્ડીએ એક ઘટનાને યાદ કરી, જેમાં તેણે દિવ્યાને તેના પાંચમા માળના એપાર્ટમેન્ટના પેરાપેટ પર આકસ્મિક રીતે બેઠેલી જોઈ હતી, જેમાં ઊંચાઈનો તેને કોઈ ડર દેખાતો ન હતો. ગુડ્ડીએ દિવ્યાના દુ:ખદ મૃત્યુ પછી તેની શોકગ્રસ્ત માતાને મળવાની વાત પણ કરી હતી અને જણાવ્યું હતું કે દિવ્યાનાં મૃત્યુથી તેના તત્કાલીન પતિ સાજિદ નડિયાદવાલાને ઊંડો આઘાત લાગ્યો હતો અને તેના મન પર તેની ઊંડી અસર પડી હતી. દિવ્યાનું 1993માં તેના એપાર્ટમેન્ટમાંથી પડી જવાથી અવસાન થયું હતું. તે માત્ર 19 વર્ષની જ હતી.
સિદ્ધાર્થ કન્નન સાથે વાત કરતા ગુડ્ડીએ જણાવ્યું હતું કે, “તે એક સારી છોકરી હતી, પરંતુ તે થોડી મેસ્ડ-અપ હતી. હું તેને નાનપણથી ઓળખતી હતી, તે થોડી પરેશાન પણ રહેતી હતી. તે જીવનને એ રીતે જીવતી જાણે આજે છેલ્લો દિવસ છે. તે બિન્દાસ છોકરી હતી. તે સમયે તે સાજિદ નડિયાદવાલાનાં પ્રેમમાં હતી. અમે તે વખતે શોલા ઓર શબનમ માટે શૂટ કરી રહ્યાં હતાં. મને જેટલું યાદ છે તેમાં અમે ૫ એપ્રિલની રાત્રે તેનું અવસાન થયું અને ૪ એપ્રિલે મારો જન્મદિવસ છે. તેથી અમે બધા પાર્ટી કરી રહ્યાં હતા – ગોવિંદા, દિવ્યા, સાજિદ અને અન્ય લોકો. તે પાર્ટીમાં ઠીક હતી, પણ મને લાગ્યું કે થોડી ઉદાસ છે. તેણે આઉટડોર શૂટ માટે જવાનું હતું, પરંતુ તેને જવું ન હતું.”
ગુડ્ડીએ 6 એપ્રિલની સવારે દિવ્યાના મૃત્યુના દુ: ખદ સમાચાર સાંભળ્યા હતા, તે દરમિયાન તે ફ્લાઇટમાં હતી. ગુડ્ડીએ જણાવ્યું કે, ” દિવ્યાનું વર્તન ઘણીવાર વિચિત્ર લાગતું હતું. તે જુહુની એક બિલ્ડિંગના પાંચમા માળે રહેતી હતી. હું એક વખત તેની બિલ્ડીગ પાસેનાં આઇસ્ક્રીમ સ્ટોરની અંદર જઇ રહી હતી ત્યારે મેં અચાનક મારા નામની બૂમો પાડતો અવાજ સાંભળ્યો. મેં ઉપર જોયું તો તે દિવ્યા હતી, જે મારા નામની બૂમો પાડી રહી હતી. તે પાંચમા માળના પેરાપેટ પર પગ લટકાવીને બેઠી હતી. મેં તેણીને કહ્યું કે આ સલામત પ્રવૃતિ નથી અને તેને મેં અંદર જવા કહ્યું. ત્યારે તેણે મને કહ્યું કે, કુછ નહીં હોતા (તેને ઊંચાઇનો ડર ન્હોતો લાગતો. હું તેને જોઇને ત્યારે ડરી ગઇ હતી.”
ગુડ્ડી જ્યારે દિવ્યાના નિધન પછી દિવ્યાના પરિવારનાં ઘરે ગઇ ત્યારે તેણે એક અજીબ પ્રકારની ઘટના જોઇ. દિવ્યાની મૃત્યુનો શોક વ્યક્ત કરવા આવેલા મહેમાનોએ પોતાની સંવેદના વ્યક્ત કરી હતી. લોકો દિવ્યાના મમ્મીને સાંત્વના આપી રહ્યાં હતાં કારણ કે તેમની હાલત ખરાબ હતી. તે દરમિયાન એક બિલાડી ઘરમાં લોહી વાળું મોઢું લઇને ઘરમાં પ્રવેશી હતી, જેનાથી બધાને ખાસ્સો આઘાત લાગ્યો હતો.
દિવ્યાની માતા કેવી રીતે ઊંડા દુ:ખમાં હતી તે વિશે વાત કરતાં તેણે કહ્યું, “ઉસ્કે મમ્મી કા હાલ બુરા થા (તેની માતા ભાંગી પડી હતી). સાજીદ જાણે કે… પતી ગયા હતા. તેમની હાલત ખરાબ હતી. જ્યારે આ ઘટના બની ત્યારે તે ઘરે પણ નહોતો. દિવ્યાએ તેની બારીમાંથી નીચે નમીને જોયું કે સાજિદની કાર આવી છે કે નહીં અને ત્યારે જ તે નીચે પડી ગઈ હતી, “તેણે કહ્યું કે જ્યારે આ ઘટના બની ત્યારે ડિઝાઇનર નીતા લુલ્લા ત્યાં હતી, જેના કારણે અભિનેતાના મૃત્યુ અંગેની અટકળોને વેગ મળ્યો હતો. “નીતા લુલ્લા ત્યાં હતી અને તેમને દિવ્યાને બાલ્કનીમાંથી નીચે નમતા જોઇ હતી અને તેને નીચે પડતા પણ જોઇ હતી.
દિવ્યા ભારતી 1990ના દાયકાની શરૂઆતમાં સૌથી આશાસ્પદ અભિનેત્રીઓમાંની એક હતી, જેણે ટૂંક સમયમાં જ ઝડપથી સ્ટારડમ મેળવ્યું હતું. જો કે, માત્ર 19 વર્ષની ઉંમરે જ્યારે તે મુંબઇના તેના પાંચમા માળના એપાર્ટમેન્ટની બાલ્કનીમાંથી પડી ત્યારે તેનું જીવન દુ: ખદ રીતે અંત આવ્યો. તેના અકાળ મૃત્યુથી બોલિવુડ ઉદ્યોગને આંચકો લાગ્યો અને તેના ચાહકોનું દિલ તૂટી ગયું.
