Shubhchintak shoot begins: પાર્થિવ ગોહિલ અને માનસી પરેખે છેલ્લે ઝમકુડી પ્રોડ્યુસ કરી અને તેની સફળતા મેળવ્યાં પછી હવે અન્ય એક નવી ગુજરાતી ફિલ્મથી તેઓ પ્રોડક્શનમાં પગ પસેરો કરી રહ્યાં છે. માનસી પારેખે તેમનાં ઇન્સ્ટાગ્રામ પર આગામી ગુજરાતી ફિલ્મ “શુભચિંતક”ની જાહેરાત કરી છે. તેમણે ફિલ્મનાં સ્ટારકાસ્ટનાં ફોટોઝ અનોખા અંદાજમાં ફેન્સ સાથે શેર કર્યાં હતાં.
આ ફિલ્મની એક્સાઇટિંગ વાત એ છે કે મરાઠી ફિલ્મનાં સુપરસ્ટાર સ્વપનીલ જોષી આ ફિલ્મથી ગુજરાતી ફિલ્મોમાં પોતાની ડેબ્યુ ફિલ્મ તરીકે પદાર્પણ કરશે. આ ફિલ્મનું શૂટ મંગળવાર, 17મી ડિસેમ્બરથી શરૂ થયું છે. માનસીએ તેની પોસ્ટમાં લખ્યું કે, “આપણી ગુજરાતી ફિલ્મ શુભચિંતકનું શૂટિંગ આજથી શરૂ! અમે અમારી સ્ટાર કાસ્ટનો પરિચય આપવા માટે રોમાંચિત છીએ! તે ગુજરાતી સિનેમામાં 😍મરાઠી સુપર સ્ટાર @swwapnil_joshi પદાર્પણની પણ નિશાની છે, કારણ કે આપણે સાથે મળીને આ અતુલ્ય યાત્રા શરૂ કરીએ છીએ ત્યારે વધુ અપડેટ્સ માટે સંપર્કમાં રહો!”
આ ફિલ્મનાં નિર્દેશક નિસર્ગ વૈદ્ય, નિર્માતા પાર્થિવ ગોહિલ અને માનસી પારેખ અને સહ-નિર્માતા ધવલ ઠક્કરનો સમાવેશ થાય છે. આ ઉપરાંત ફિલ્મનાં સ્ટારકાસ્ટમાં ઇશા કંસારા, મેહુલ બુચ, સ્વપનીલ જોષી, માનસી પારેખ, વિરાફ પટેલ, દીપ વૈદ્ય અને તુષારિકા રાજ્યગુરુનો સમાવેશ થાય છે.
