Priyanka Chopra’s brother’s wedding: પ્રિયંકા ચોપરા બોલિવૂડની સૌથી લોકપ્રિય અભિનેત્રીઓમાંની એક છે. પ્રિયંકા તેના લગ્ન બાદ ફિલ્મ ઇન્ડસ્ટ્રીમાં જોવા મળી ન હતી. અને તે વિદેશમાં સ્થિત હતી. આમ છતાં પ્રિયંકા ક્યારેક ક્યારેક ભારત આવવા-જવા માટે જતી જોવા મળી હતી. હવે પ્રિયંકા ફરી એકવાર ભારત પરત ફરી છે. પ્રિયંકા ચોપડા હાલ પોતાના ભાઈના લગ્ન માટે મુંબઈમાં છે. તે થોડા દિવસો પહેલા જ ભારત આવી હતી અને હવે તે પોતાના ભાઈ સિદ્ધાર્થના લગ્નની વિધિઓને ખૂબ એન્જોય કરી રહી છે. ભાઈની મહેંદી સેરેમનીમાં પ્રિયંકાએ ખૂબ મસ્તી કરી હતી અને પગ હલાવતી પણ જોવા મળી હતી. આ સાથે પ્રિયંકાની સાસુએ પણ આ સેરેમનીની મજા માણી હતી અને હવે તેનો પતિ નિક જોનાસ પણ મુંબઈ પહોંચી ગયો છે.
5 ફેબ્રુઆરીએ સિદ્ધાર્થની મહેંદી સેરેમની યોજાઈ હતી. જેમાં પ્રિયંકા અને તેની સાસુએ સૌનું ધ્યાન ખેંચ્યું હતું. પ્રિયંકાએ આ મહેંદી સેરેમનીની ઘણી તસવીરો અને વીડિયો સોશિયલ મીડિયા પર શેર કર્યા છે. આવામાં પ્રિયંકાના લૂકની ચર્ચા ખાસ રીતે થઇ રહી છે. આ લુકમાં પ્રિયંકાનો નેકલેસ સૌથી વધુ ચર્ચામાં રહ્યો હતો. તેણે ભાઈ સિદ્ધાર્થ ચોપરાની મહેંદી સેરેમનીમાં 12 કરોડ રૂપિયાનો નેકલેસ પહેરીને બધાનું ધ્યાન ખેંચ્યું હતું. પ્રિયંકાએ શૅર કરેલી તસવીરોમાં તે ચહેરા પર મહેંદી હટાવતી નજરે ચડે છે. તેની સાસુ પણ હાથ પર મહેંદી ઉતારતી જોવા મળી રહી છે. અને તેના સસરા આ ખાસ પળોને કેમેરામાં કેદ કરતા જોવા મળે છે.
પ્રિયંકાની દીકરી માલતીએ પણ હાથ પર મહેંદી મૂકી હતી અને મામાના લગ્નમાં મસ્તી કરતી જોવા મળી હતી. આ પ્રસંગે પ્રિયંકા ખૂબ જ ખુશ હતી અને તેણે પોતાના પરિવાર સાથે ખૂબ મસ્તી કરી હતી. તેણે તેના પિતરાઇ ભાઇ મન્નારા ચોપડા સાથે ‘મુઝસે શાદી કરોગી’ ગીત પર ડાન્સ કર્યો હતો. પ્રિયંકાએ મહેંદી સેરેમનીની તસવીરો સાથે આ વીડિયો પણ શેર કર્યો છે. પ્રિયંકાના ભાઈના લગ્નમાં તેના સસરા પિતાનો રોલ કરતા અને જવાબદારીઓ સંભાળતા જોવા મળ્યા હતા.
પ્રિયંકાના પિતા આ દુનિયામાં નથી પરંતુ તેના સસરાએ આ લગ્નમાં ભાગ લઇને પ્રિયંકાને ખુશ રાખી હતી. તેમણે પાપારાઝીને મીઠાઈઓ આપીને તેમનો આભાર પણ માન્યો હતો. પ્રિયંકાના ભાઈ સિદ્ધાર્થ નીલમ ઉપાધ્યાય સાથે લગ્ન કરી રહ્યા છે. નીલમ એક અભિનેત્રી છે અને તેણે સાઉથની ફિલ્મોમાં કામ કર્યું છે. સિદ્ધાર્થ અને નીલમની મુલાકાત ડેટિંગ એપ દ્વારા થઇ હતી. પ્રિયંકા પણ આ એપમાં રોકાણકાર હતી.
