Kriti Sanon brushes off Rakhi ad controversy with a cheeky Instagram post: ‘Focusing on what really matters’: કૃતિ સેનન છેલ્લા કેટલાક દિવસોથી સમાચારોમાં છવાયેલી છે. કારણ? તેની કોઈ નવી ફિલ્મ નહીં, પરંતુ રક્ષાબંધન તહેવાર માટેની તેની તાજેતરની એક જાહેરાત છે. હા, અભિનેત્રીની આ રાખડીની જાહેરાત વિવાદોના વમળમાં ફસાઈ ગઈ હતી, જ્યારે તેના ઓન-સ્ક્રીન ભાઈને રાખડી બાંધતી વખતે બોલ્ડ બ્રેલેટ-સ્ટાઈલનો ડ્રેસ પહેરવા બદલ ટ્રોલર્સે તેને ટાર્ગેટ કરી હતી. ભારે ટ્રોલિંગ શરૂ થઈ ગયું હતું, જેમાં કંગના રનૌતે પણ આ જાહેરાત પર કટાક્ષ કરતા તેને ‘જાણીજોઈને અજુગતી (ક્રીપી)’ ગણાવી હતી. હા, તમે સાચું વાંચ્યું. Newsable Asianet Newsના એક રિપોર્ટમાં આમ જણાવાયું હતું.
કૃતિ આક્રમક અંદાજમાં! થોડા દિવસો પહેલા, કૃતિએ એક સણસણતી ઈન્સ્ટાગ્રામ પોસ્ટ શેર કરીને આ વિવાદને ફગાવી દીધો હતો અને લખ્યું હતું કે ‘સંસ્કૃતિ હૃદયમાં હોય છે, નેકલાઇનમાં નહીં.’ આ પછી તરત જ, જ્વેલરી બ્રાન્ડ ‘GIVA’ એ પણ ભારે વિરોધને કારણે તે જાહેરાત હટાવી લીધી હતી. હવે, કૃતિએ એક રમૂજી કેપ્શન સાથે ટ્રોલર્સ પર કટાક્ષ કરતી રાખડીની એક પોસ્ટ શેર કરી છે.
કૃતિ સેનની રાખડી પોસ્ટ! પોતાની બહેન સાથે રક્ષાબંધનની ઉજવણી કરતી એક સુંદર તસવીર શેર કરતા તેણે લખ્યું, “જ્યાં સુધી રાખડી ફેશન કમિટીની બેઠક હજુ ચાલુ છે… ત્યાં સુધી અમે એ બાબત પર ધ્યાન આપી રહ્યા છીએ જે સાચે જ મહત્ત્વપૂર્ણ છે. સૌને રક્ષાબંધનની શુભકામનાઓ.”
