Madhuri Dixit’s explanation about going to the US with her husband:બોલિવુડની ધક ધક ગર્લ હમણાં ફિલ્મ ‘ભૂલ ભુલૈયા 3’ની સફળતા માણે છે. માધુરી દિક્ષીતે હમણાં જ એક ઈન્ટરવ્યુમાં પોતાના જૂના દિવસોને યાદ કર્યા. આ ઈન્ટરવ્યુંમાં માધુરીએ ઈન્ડસ્ટ્રી છોડીને પતિ રામ નેને સાથે યુએસ જવા અંગેની વાત પણ ખૂલ્લા દિલે કરી હતી. ધક ધક ગર્લે પોતાના ફિલ્મી કરિયરમાં ઘણી સુપરહિટ ફિલ્મો આપી છે. એક્ટ્રેસ કરિયરના પીક પર હતી ત્યારે તેણે લગ્ન કર્યાં. માધુરી દીક્ષિતે 1999માં ડૉ. શ્રીરામ નેને સાથે લગ્ન કર્યા હતા અને લગ્ન બાદ તેણે બોલિવૂડ ઈન્ડસ્ટ્રીને અલવિદા કર્યું હતું.
લગ્ન કરીને વિદેશ જવાના નિર્ણયથી ખુશ હતી:
ગલાટા સાથેના ઈન્ટર્વ્યુંમાં માધુરીએ કહ્યું કે હું ડૉ.શ્રીરામ નેને સાથે લગ્ન કરીને વિદેશ જવાના નિર્ણયથી ખુશ છું. હું જે કરું છું તે મને ખુશ કરે છે. અત્યાર સુધીની વાત કરૂ તો મને મારા કોઈપણ નિર્ણય પર ક્યારેય પસ્તાવો થતો જ નથી. મને નૃત્ય અને એક્ટિંગ ગમે છે. મેં ક્યારેય વિચાર્યું નથી કે હે ભગવાન, હું લોકોની નજરથી દૂર જઈ રહી છું. હું મારી કારકિર્દીની ટોચ પર લગ્ન કરી રહી છું.
મેરેજ કરવા અને પછી બાળકો લાવવા તે મારૂ સપનું હતું:
ધક ધક ગર્લે કહ્યું કે મને લાગે છે હું જે વ્યક્તિને મળી છું તે જ મારા માટે સૌથી યોગ્ય પુરુષ છે. આ તે પુરુષ છે જેની સાથે હું લગ્ન કરવા માગતી હતી અને તેની સાથે લગ્ન કર્યા કારણ કે મારી જેમ દરેક વ્યક્તિ પોતાના માટે સપના જુએ છે. ઘર, પતિ, અને બાળકો એ મારા સપનાઓનો એક ભાગ છે.
મને કોઈ અફસોસ નથી:
ઈન્ટરવ્યુમાં માધુરીને સવાલ કરાયો કે શું તે બોલિવૂડમાં પસાર કરેલી લાઈફને મિસ કરે છે તો તેમણે કહ્યું કે જ્યારે લોકો કહે છે કે ઓહ, તું ઈન્ડસ્ટ્રીથી દૂર હતી તો શું આ બધું મિસ ન કર્યું? તો હું કહું છું, ‘ના, હું મિસ કરતી નથી કેમ કે તે સમયે હું અમેરિકામાં મારું સ્વપ્ન જીવતી હતી અને ખૂબ આનંદમાં હતી.
માધુરી દીક્ષિતે વર્ષ 1999માં ડૉ. શ્રીરામ નેને સાથે લગ્ન કર્યા હતા. બંનેને બે પુત્રો છે અને 2007માં ધક ધક ગર્લે ‘આજા નચલે’થી બોલિવૂડમાં કમબેક કર્યું હતું.
