Sobhita Dhulipala shares unique photo of Naga Chaitanya: નાગા ચૈતન્ય અને સોભિતા ધુલિપાલા અવારનવાર એકબીજાનાં ફોટોઝ શેર કરતાં રહે છે. બંને એકબીજા માટેનો પ્રેમ વ્યક્ત કરવાનું ચૂકતાં નથી. ત્યારે બુધવારે સોભિતાએ પોતાનાં ઇન્સ્ટાગ્રામ સ્ટોરીઝમાં પોતાનાં અભિનેતા-પતિનો યુનિક ફોટો શેર કર્યો હતો. ફોટોમાં ચાય ડીજેનાં રોલમાં જોવા મળ્યો હતો. તે મ્યુઝિક સિસ્ટમ પર હેડફોનથી મ્યુઝિક સાંભળી અને પ્લે કરી રહ્યો હતો. તેણે કાર્ડિગન પહેર્યું હતું. સોભિતાએ કેપ્શનમાં કંઇપણ ઉલ્લેખ કર્યો ન હતો, પરંતુ ફોટોમાં માત્ર તેમનાં પતિને ટેગ કર્યાં હતાં અને રેડ હાર્ટ મૂક્યું હતું.
નાગા ચૈતન્ય અને સોભિતા ધુલિપાલા 4 ડિસેમ્બર, 2024 ના રોજ હૈદરાબાદના અન્નપૂર્ણા સ્ટુડિયોમાં લગ્નના બંધનમાં બંધાયા હતા. આ મહિનાની શરૂઆતમાં, ચાયે લગ્ન પછીના તેમના જીવનને “ગ્રેટ” કહ્યું હતું અને જણાવ્યું હતું કે તે અને સોભિતા તેમના વ્યક્તિગત અને વ્યાવસાયિક જીવનને સારી રીતે સંતુલિત કરવામાં સક્ષમ છે.
“વિવાહિત જીવન ગ્રેટ ચાલે છે! હું તેનો સંપૂર્ણ આનંદ માણી રહ્યો છું. હજુ બે મહિના થયા છે. મને લાગે છે કે અમે બંને કામમાં પણ તેટલું જ ઇન્વેસ્ટ કરી રહ્યાં છીએ અને કામથી દૂર પણ રહીએ છીએ; તેથી અમે કાર્ય અને લગ્નજીવનને સંતુલન કરી શકીએ છે. મને લાગે છે કે આ એક એવા ગુણો છે જે અમારા બંનેમાં કોમન છે. સફળ અભિનેતા બનવા સિવાય તેમની અને સોભિતામાં શું સમાનતા છે તે અંગે પૂછવામાં આવતા નાગા ચૈતન્યએ ઉમેર્યું હતું કે, “તમે જાણો છો, અમે બંને આંધ્રના છીએ. તે વાયઝાગની છે અને મને વાયઝાગ ગમે છે. અમારા મૂળ સરખાં જ છે, જોકે અમે એક જ શહેરોમાંથી નથી આવતાં અને તેથી સાંસ્કૃતિક રીતે ઘણું જુદુ છે. અને, દેખીતી રીતે જ, સિનેમા પ્રત્યેનો પ્રેમ, આ કળા માટેનો પ્રેમ. મને લાગે છે કે અમે બંને જીવન વિશે ખૂબ જ ઉત્સુક છીએ, જેણે અમને આગળ ધપાવ્યા. અમારા માટે તેની આસપાસ ઘણી વાતચીત શરૂ થઈ. અને અમને મુસાફરી કરવી પણ ગમે છે.”
દરમિયાન, વર્ક ફ્રન્ટની વાત કરીએ તો, નાગા ચૈતન્ય તાજેતરમાં થાંડેલમાં જોવા મળ્યા હતા, જે 7 ફેબ્રુઆરી 2025 ના રોજ રીલિઝ થઈ હતી. ચંદુ મોન્ડેતી દ્વારા લિખિત અને દિગ્દર્શિત આ ફિલ્મમાં સાઇ પલ્લવી પણ ચમકી રહી છે. બીજી તરફ સોભિતા છેલ્લે 2024માં મંકી મેન એન્ડ લવ સિતારામાં જોવા મળી હતી.
