Salman Khan’s Maatrubhoomi confirmed for 2026 release: Here’s what the new poster reveals:સલમાન ખાનની આગામી વોર ડ્રામા ફિલ્મ ‘માતૃભૂમિ’ ની રિલીઝ અંગે આખરે નવું અપડેટ સામે આવ્યું છે. ફિલ્મ મોડી રિલીઝ થશે તેવી અટકળોનો અંત લાવતા, નિર્માતાઓએ સોમવારે એક નવું પોસ્ટર જાહેર કર્યું અને પુષ્ટિ કરી કે ફિલ્મ આ વર્ષે જ થિયેટરોમાં રિલીઝ થશે. The Sunday Guardianના અહેવાલમાં આમ જણાવાયું હતું.
સલમાન ખાન ફિલ્મ્સના સત્તાવાર એકાઉન્ટ પર શેર કરાયેલા પોસ્ટર પર લખવામાં આવ્યું છે: “A Film By Salman Khan Films” (સલમાન ખાન ફિલ્મ્સની એક ફિલ્મ).
‘બેટલ ઓફ ગલવાન’ થી ‘માતૃભૂમિ’ સુધીઃ
આ ફિલ્મની જાહેરાત શરૂઆતમાં ‘Battle of Galwan’ તરીકે કરવામાં આવી હતી. એપ્રિલ મહિનામાં, સલમાન ખાને ઇન્સ્ટાગ્રામ પર એક નવું પોસ્ટર શેર કરીને આ ફિલ્મનું નવું ટાઇટલ ‘Maatrubhumi: May War Rest in Peace’ જાહેર કર્યું હતું.આ જાહેરાત સાથે ફિલ્મની ટેગલાઇન “May War Rest in Peace” (યુદ્ધને શાંતિ મળે) પણ આપવામાં આવી હતી. પોસ્ટરમાં સલમાન કાંટાળા તારથી વીંટાળેલા લોહીવાળા લાકડાના બ્લોક પાછળથી જોતો જોવા મળ્યો હતો.
સલમાન ખાનના વાયરલ લુકથી હેલ્થ અંગે ચિંતા ઊભી થઈ
આ નવું અપડેટ સલમાન મુંબઈમાં સ્લમ રિહેબિલિટેશન ઓથોરિટી (SRA) ની ઓફિસે પહોંચ્યો તે પછી તરત જ આવ્યું છે. સલમાને ઓથોરિટીના નવા ‘ડેટા કલેક્શન અને વેરિફિકેશન સપોર્ટ સેન્ટર’ના ઉદ્ઘાટનમાં હાજરી આપી હતી અને લાભાર્થીઓને ઘરની ચાવીઓ વહેંચી હતી.
પરંતુ આ કાર્યક્રમ કરતાં વધુ ધ્યાન સલમાનના દેખાવે ખેંચ્યું હતું. કાર્યક્રમના વીડિયો અને તસવીરો સોશિયલ મીડિયા પર વાયરલ થયા પછી ઘણા યુઝર્સે કહ્યું હતું કે સલમાન સામાન્ય કરતાં વધુ દુબળો દેખાય છે અને તેની તંદુરસ્તી અંગે ચિંતા વ્યક્ત કરી હતી.
ત્યારબાદ અભિનેતાએ પોતાની ખાસ શૈલીમાં જવાબ આપ્યો હતો. ઇન્સ્ટાગ્રામ પર નવી તસવીરો શેર કરીને સલમાને લખ્યું: “આપ લોગોં કી તબિયત કૈસી હૈ (તમારા બધાની તબિયત કેવી છે?)” — જેને ચાહકોએ સોશિયલ મીડિયાની ચર્ચાઓનો હળવાશભર્યો જવાબ માન્યો હતો.
અભિનેત્રી માહી વિજે આ પોસ્ટ પર હસતા ઈમોજી સાથે “toooo goooodddddd” કોમેન્ટ કરી હતી.
‘માતૃભૂમિ’ ફિલ્મ શેના વિશે છે?
અપૂર્વ લાખિયા દ્વારા નિર્દેશિત ‘માતૃભૂમિ’ 15 જૂન, 2020ના રોજ ગલવાન ખીણમાં થયેલી હિંસક અથડામણ પર આધારિત છે, જે તાજેતરના દાયકાઓમાં ભારત અને ચીન વચ્ચેના સૌથી મોટા લશ્કરી ઘર્ષણોમાંનું એક હતું. આ સંઘર્ષ લાઇન ઓફ એક્ચ્યુઅલ કંટ્રોલ (LAC) પર થયો હતો, જ્યાં ભારતીય અને ચીની સૈનિકો વચ્ચે હાથોહાથની લડાઈ થઈ હતી, જેમાં 20 ભારતીય સૈનિકો શહીદ થયા હતા.
સંગીત: આ ફિલ્મનું સંગીત હિમેશ રેશમિયાએ આપ્યું છે.
સલમાન ખાન 16 બિહાર રેજિમેન્ટના કમાન્ડિંગ ઓફિસર કર્નલ સંતોષ બાબુની મુખ્ય ભૂમિકા ભજવી રહ્યો છે, જેમણે આ અથડામણ દરમિયાન ભારતીય ટુકડીનું નેતૃત્વ કર્યું હતું.
અન્ય કલાકારોમાં ચિત્રાંગદા સિંહ મુખ્ય અભિનેત્રી તરીકે છે, જ્યારે અભિલાષ ચૌધરી અને અંકુર ભાટિયા પણ મહત્વની ભૂમિકામાં જોવા મળશે.
