Sanjay Leela Bhansali’s Love and War: સંજય લીલા ભણસાલી હાલ લવ એન્ડ વોર ફિલ્મનાં એનાઉન્સમેન્ટ પછી તેનાં શૂટની તૈયારીમાં લાગી ગયાં છે. આ ફિલ્મમાં રણબીર કપૂર, આલિયા ભટ્ટ અને વિકી કૌશલ મહત્વનાં પાત્રોમાં જોવા મળશે. જો કે તાજેતરનાં અહેવાલો મુજબ આ ફિલ્મમાં શાહરૂખ ખાન કેમિયો રોલમાં જોવા મળશે, જે ફિલ્મનાં બીજા ભાગમાં મહત્વનાં રોલમાં જોવા મળશે. જેમાં રણબીર સાથે તેમનાં મહત્વનાં સીન્સમાં જોવા મળશે.
બોક્સ ઓફિસ વર્લ્ડવાઇડના અહેવાલો અનુસાર, શાહરૂખ ખાન તાજેતરમાં જ સંજય લીલા ભણસાલીને મળ્યો હતો, અને લવ એન્ડ વોરમાં એક ખાસ ભૂમિકાની ચર્ચા કરી હતી. જો ફાઇનલ થાય તો, એસઆરકે જાન્યુઆરી 2025 માં તેનાં સીન્સનું ફિલ્માંકન કરે તેવી સંભાવના છે. આ અહેવાલોની પુષ્ટિ સાચી નીકળી તો, આ કેમિયોથી ફિલ્મ બોલિવુડની મહત્વની મલ્ટીસ્ટાર્સ ફિલ્મ હશે, જેની ભવ્યતા દર્શકોને ચોક્કસથી ગમશે.
ફિલ્મ લવ એન્ડ વોરનું શૂટિંગ દિવસેને દિવસે પ્રગતિ કરી રહ્યું છે. જેમાં રણબીર કપૂરે શૂટ શરૂ કરી દીધું છે. આ ફિલ્મમાં આલિયા અને વિકી ટૂંક સમયમાં જોડાશે. પોતાની ભવ્ય સિનેમેટિક વિઝન માટે જાણીતા સંજય લીલા ભણસાલી આ ફિલ્મને વિઝ્યુઅલી અપિલીંગ બનાવવા માટે તમામ પ્રયત્નો કરી રહ્યાં છે. વળી, તેમાં શાહરૂખનાં જોડાવાનાં સમાચારોથી આ ફિલ્મની એક્સાઇટમેન્ટ વધી ગઇ છે.
અહીં ઉલ્લેખનીય છે કે રણબીર કપૂરે સંજય લીલા ભણસાલી સાથે તેની પ્રથમ ફિલ્મ સાંવરીયામાં કામ કર્યું હતું. ત્યારબાદ રણબીર અને સંજયનાં સંબંધો વણસ્યા હોવાને લીધે, સંજયની મહત્વની ફિલ્મોમાં રણબીર જોવા મળ્યો ન હતો. જો કે આલિયાએ ગંગુબાઇ કાઠિયાવાડીમાં સંજય સાથે કામ કર્યું હતું. હવે, સંજય અને રણબીર પોતાનાં દ્વેષને ભૂલીને આગળ વધ્યાં છે અને લવ એન્ડ વોર ફિલ્મમાં ફરીથી એક વાર વર્ષો પછી કામ કરી રહ્યાં છે. વિકી કૌશલ સાથે સંજયનો આ પહેલો પ્રોજેક્ટ છે. આ ફિલ્મ 2026માં રિલિઝ થશે તેવી સંભાવના છે.
