Fabulous lives of Bollywood wives: નેટફ્લિક્સના પોપ્યુલર શો “ફેબ્યુલન્સ લાઇવ્ઝ બોલિવુડ વાઇવ્ઝ”થી બોલિવુડનાં જાણીતા અભિનેતાઓની પત્નીઓ આ શોથી જાણીતી બની, જેમાં સૌથી મહત્વનું નામ મહીપ કપૂર છે. શો પર એક એટ્રેક્ટિવ, સ્માર્ટ, ઇન્ટેલિજન્ટ અને સ્ટ્રોંગ પર્સનાલિટી તરીકે ઉભરી આવતી મહીપ કપૂર સંજય કપૂર (અનિલ કપૂરના ભાઇ)નાં પત્ની છે. 2022થી શરૂ થયેલાં આ શોની ત્રીજી સિઝનમાં ચાહકોને મહીપ અને અભિનેતા સંજય કપૂર સાથેની કેમિસ્ટ્રી ખૂબ ગમી છે.
મહીપે તાજેતરમાં એક હાસ્ય કલાકાર રૌનક રાજાણીનાં શોમાં પોતાની હાજરી આપી હતી. જ્યાં તેણે તેનાં પતિ સાથેની પહેલી મુલાકાતને યાદ કરી હતી. તેણે કહ્યું કે તેણીએ એક પાર્ટીમાં ગેટક્રેશ કર્યો હતો ત્યારે સંજયને તે પહેલી વાર મળી હતી. તેની લવસ્ટોરીને યાદ કરીને કહ્યું હતું કે “અમારી લવસ્ટોરી સિમ્પલ હતી. મેં એક પુરુષ સાથે વન નાઇટ સ્ટેન્ડ કર્યું હતું અને મને ક્યારેય ખબર નહોતી કે હું તેની સાથે લગ્ન કરીશ. મેં આ પાર્ટીમાં ગેટક્રેશ કર્યો હતો, ત્યાં તેમને મળી હતી. પીધેલી હાલતમાં હું આખા પરિવાર – જેમાં સાસુ-સસરાને મળેલી. તમે લોકો મારા કુટુંબને ઓળખો છો ને? અનિલ, સુનિતા, શ્રી (શ્રીદેવી). હું પીધેલી હાલતમાં પડી ગઇ હતી.
મહીપે ઉમેર્યું હતું કે, “આ બધાંયે મને આ હાલતમાં જોઇ તે છતાંય મારો સ્વીકાર કર્યો અને કહ્યું કે, ‘વાહ, કેવી અદ્ભુત ભાવિ પુત્રવધૂ છે.’ તેઓએ ખુલ્લા હાથે મારું સ્વાગત કર્યું. માહીપે ત્યાં બેઠેલી ઓડિયન્સને કહ્યું કે, જુઓ અમારી પાસે પ્રોપોઝ કરવાનું અને એવું બધું નહોતું. હું તો તમારા બધાંય કરતાં ઘણી મોટી છું. ત્યારે અમારી પાસે ઇન્સ્ટાગ્રામ નહોતું, જેથી અમને ફરક નહોતો પડતો. મને તો સંજયે માત્ર એમ જ કીધેલું કે, જો આપણે લગ્ન કરી રહ્યાં છીએ.”
તેણીએ વધુમાં કહ્યું કે, “અમે ૧૯૦૦ના દાયકામાં (નાઈટક્લબ)માં હતા. અમે નશામાં ધૂત હતા અને પાર્ટી કરતા હતા. તેણે કહ્યું, ‘ઠીક છે, આપણે લગ્ન કરી રહ્યા છીએ.’ તેથી, મારા ટકિલા શોટ્સની વચ્ચે, મેં કહ્યું, ‘ઠીક છે, સરસ.’ બસ, એ જ વાત હતી.” તેણે ઉલ્લેખ કર્યો હતો કે, લગ્ન પહેલાં તે સંજયને પાંચ વર્ષ સુધી ડેટ કરી હતી, ત્યારથી તે 30 વર્ષથી તેની સાથે છે.
જો કે, તેમના લગ્ન સંપૂર્ણપણે સરળ અને સપનાની દુનિયા જેવા રહ્યાં નથી. પોતાના શોની પહેલી સીઝનમાં મહીપે ખુલાસો કર્યો હતો કે આ પહેલા તેમના લગ્ન દરમિયાન તેના અને તેના અભિનેતા પતિ સંજય કપૂરે તેની સાથે છેતરપિંડી કરી હતી. જો કે, મહીપે ત્યારે આ ભૂલને અવગણવાનું પસંદ કર્યું હતું અને પોતાના બાળકો માટે પોતાનું લગ્ન સુરક્ષિત રાખવાનો નિર્ણય લીધો હતો.
મહીપે આ શો દરમિયાન સીમા સજદેહને કહ્યું હતું કે, “સીમા, તને હવે આ વાતની ખબર પડી ગઇ છે. સંજયે લગ્નજીવનમાં ભૂલો કરી હતી કે જે કંઇ કર્યું હોય. ત્યારે હું શનાયાને લઇને ઘરની બહાર નીકળી ગઇ હતી, મેં મારી જાત માટે સ્ટેન્ડ લીધું હતું. પરંતુ મારી પાસે એક નવજાત બાળક હતું અને એક સ્ત્રી તરીકે, એક માતા તરીકે હંમેશા તમારી પ્રાથમિકતા તમારું બાળક હોય છે. હું મારી પુત્રી પાસેથી તેનાં અદ્ભૂત પિતા છીનવી લેવા નહોતી માંગતી અને હું આ વાતની ઋણી છું. આજે હું પાછું વળીને જોઉં છું ત્યારે મને લાગે છે કે જો મેં આ સંબંધ તોડી નાખ્યો હોત તો મને આખી જીંદગી પસ્તાવો રહ્યો હોત, કારણ કે જ્યારા મારા બાળકો ઘરે આવે છે અને મારા પતિ ઘરે આવે છે ત્યારે મારું આ ઘર તેમના માટે અભ્યારણ્ય છે. તેમને અહીંયા શાંતિનો અનુભવ થાય છે અને મને લાગે છે કે સંજય પણ મને તેવો જ અનુભવ કરાવે છે.”
સંજય કપૂર એ બોની કપૂર અને અનિલ કપૂરનો સૌથી નાનો ભાઈ છે. મહીપ અને સંજયના લગ્ન 1997માં થયા હતા. તેઓએ 1999 માં તેમના પ્રથમ બાળક, પુત્રી શનાયા કપૂરનું સ્વાગત કર્યું હતું. 2006માં તેમને એક પુત્ર જહાન કપૂર થયો હતો.
