મલ્હાર ઠાકરનાં લગ્નની તૈયારીઓ જોર-શોરથી ચાલી રહી છે ત્યારે સમગ્ર ઢોલિવુડમાં ખુશીની લહેર ફરી વળી છે. સોમવારની સવાર-સવારમાં મલ્હારે “સેવ ધ ડેટ”નો એક અદ્દભૂત ક્યૂટ વિડીયો શેર કર્યો જેમાં તેણે તેની ફિયાન્સી અને કો-એક્ટ્રેસ પૂજા જોશી સાથેની તેની લવ સ્ટોરીની સફર વિશે જણાવ્યું. મલ્હારનાં લગ્નની તારીખ ફાઇનલી આવી ગઇ છે. મલ્હાર 26મી નવેમ્બરે પૂજા જોશી સાથે લગ્ન બંધનમાં બંધાઇ જશે.
મલ્હારે વિડીયોનાં ડિસ્ક્રીપ્શનમાં મસ્તીનાં ટોનમાં લખ્યું કે, ” હરખ ની હેલી અને વ્હાલ નું વાવાઝોડું ||
બન્ને ના પરિવારે ભેગા થઈ ને અમને ‘’*Save the Date*’’ નો વિડિયો બનાવવાનું કહેલ છે।। (ઈ લોકો ને વોટ્સએપ પર બધા ને ચગાવવું છે) 🤩🤩🤩🤩😅 #trend you know guysisss ..!! આ છે એની પ્રસ્તુતિ , આશીર્વાદ ની અપેક્ષા !! ❤️#MaJa”
મલ્હારે તેનાં ક્યૂટ કાર્ટૂનિશ વિડીયોમાં બંનેની જર્નીને દર્શાવી છે, જેમાં તેમણે સૌપ્રથમ #Maja ની વેડિંગ એમ મલ્હાર-પૂજાનાં નામનું હેશટેગ શેર કર્યું. ત્યાર પછી બંને પોતાની બર્થડે 28મી જુને શેર કરે છે જેથી બંનેનાં સ્ટાર્સ એલાઇન્ડ છે તેમ જણાવ્યું. બંનેની પહેલી મુલાકાત “વાત-વાતમાં” ફિલ્મનાં સેટ પર થઇ હતી, જ્યાં પૂજાએ કહ્યું હાય, મલ્હાર અને મલ્હારે કોફી માટે પુછ્યું હતું. આ પછી બંને કોફી ડેટ્સની મુલાકાતોથી અને વાતોથી વધુ નજીક આવ્યાં અને બેસ્ટ ફ્રેન્ડ્સ બન્યાં. બંને ગોલ્ડન ટેમ્પલનાં આશીર્વાદમાં માને છે, ત્યાં તેમને પોતાના મનમાં શાંતિ અને હૂંફ અનુભવાય છે. તેમની લવસ્ટોરી સાત સમુંદર પાર ઓસ્ટ્રેલિયામાં પહોચેલી અને ત્યાં તેમણે મેમોરીઝ બનાવી. અને હવે બંને તેમની લવસ્ટોરીની હેપ્પિલી એવર આફ્ટર સ્ટોરીની સ્ક્રિપ્ટ લખવા તૈયાર છે. અને આ સાથે જ સેવ ધ ડેટનાં વિડીયોમાં દર્શાવાયું કે, મલ્હાર અને પૂજા બંને 26મી નવેમ્બરે લગ્ન કરે છે.
રામલીલાનાં લૂકમાં મલ્હાર અને પૂજા બંને અત્યંત સુંદર દેખાઇ રહ્યાં છે.
