Ramayana runtime in English to be shorter; Hindi cut of Ranbir Kapoor and Yash starrer to be 30 minutes longer with song sequences: નિતીશ તિવારીની મોસ્ટ અવેઈટેડ ફિલ્મ ‘રામાયણ’ બે ભાગના સિનેમેટિક ભવ્ય પ્રોજેક્ટ તરીકે બની રહી છે, જેને નિર્માતાઓ વૈશ્વિક સ્તરે મોટા પાયે રિલીઝ કરવાની તૈયારી કરી રહ્યા છે. જોકે, તાજેતરના અહેવાલો અનુસાર, અંગ્રેજી વર્ઝન જોનારા આંતરરાષ્ટ્રીય દર્શકો માટે ફિલ્મનો રનટાઇમ મૂળ હિન્દી વર્ઝન કરતાં ટૂંકો હોઈ શકે છે. The Times Of Indiaના એક રિપોર્ટમાં આમ જણાવાયું હતું.
‘વેરાયટી ઇન્ડિયા’ અનુસાર, રણબીર કપૂર, સાંઈ પલ્લવી અને યશ અભિનીત આ ફિલ્મનું અંગ્રેજી વર્ઝન હિન્દી વર્ઝનની સરખામણીએ લગભગ 30 મિનિટ ટૂંકું હોવાની ધારણા છે. અહેવાલ મુજબ, આંતરરાષ્ટ્રીય દર્શકોની રુચિને ધ્યાનમાં રાખીને અંગ્રેજી વર્ઝનમાં ‘કોઈ ગીતો નહીં હોય’ અને કેટલાક અન્ય દ્રશ્યો પણ કાપવામાં (ટ્રિમ કરવામાં) આવશે. આ બે અલગ-અલગ કટ્સનો નિર્ણય વૈશ્વિક દર્શકોની પસંદગીને અનુલક્ષીને લેવાયો હોવાનું કહેવાય છે. એક સૂત્રએ પોર્ટલને જણાવ્યું હતું કે, “ભારતીય દર્શકો ત્રણ કલાકથી વધુ લાંબી અને ગીતોવાળી ફિલ્મો જોવા ટેવાયેલા છે, પરંતુ વૈશ્વિક દર્શકો માટે આ લાગુ પડતું નથી, તેથી નિર્માતાઓએ આ નિર્ણય લીધો છે.”
જોકે ગીતો વાર્તાને આગળ ધપાવવા માટે અનિવાર્ય નથી, તેમ છતાં હંસ ઝિમર અને એ. આર. રહેમાનનું સંગીત અને બેકગ્રાઉન્ડ સ્કોર ભારતીય ભાષાઓના ડબ વર્ઝનમાં મહત્વની ભૂમિકા ભજવશે તેવી અપેક્ષા છે.
ફિલ્મનો આખરી રનટાઇમ હજી જાહેર થયો નથી, પરંતુ અમેરિકામાં ફિલ્મના પ્રમોશન દરમિયાન ભગવાન રામની ભૂમિકા ભજવી રહેલા મુખ્ય અભિનેતા રણબીરે ખુલાસો કર્યો હતો કે આ બે ભાગની ગાથામાં લગભગ છ કલાકના શાનદાર વિઝ્યુઅલ્સ અને એક્શન જોવા મળશે, જે પરિવાર, કર્તવ્ય, પ્રેમ અને અનિષ્ટ પર સારાના વિજયની થીમ્સને રજૂ કરશે. તે પછીથી જ એવી અટકળો તેજ થઈ ગઈ હતી કે ફિલ્મનો રનટાઇમ આશરે 3 કલાકનો હોઈ શકે છે.
આ અપડેટ સોની પિક્ચર્સ (યુએસએ) દ્વારા ફિલ્મને આંતરરાષ્ટ્રીય સ્તરે વહેલી રિલીઝ કરવાની પુષ્ટિ કર્યાના બરાબર એક દિવસ પછી આવી છે. અગાઉ ૬ નવેમ્બરે રિલીઝ થવાની હતી, પરંતુ હવે આંતરરાષ્ટ્રીય માર્કેટમાં આ ફિલ્મ એક દિવસ વહેલી એટલે કે 5 નવેમ્બરે રિલીઝ થશે અને 5 નવેમ્બરે પ્રિવ્યૂ શો રાખવામાં આવશે. આ સાથે ફિલ્મને બોક્સ ઓફિસ પર શરૂઆતી લાભ મળશે, જ્યાં તેની ટક્કર જાપાની ફિલ્મ ‘ગોડઝિલા માઈનસ ઝીરો’ અને હોલીવુડની એનિમેટેડ ફિલ્મ ‘ધ કેટ ઇન ધ હેટ’ સાથે થવાની છે.
ભારતમાં આ ફિલ્મ દિવાળીના તહેવાર પર 8 નવેમ્બરે રિલીઝ થવાની યોજના છે. બીજી તરફ, ફિલ્મનો બીજો ભાગ (પાર્ટ ૨) દિવાળી 2027માં રિલીઝ કરવાનું આયોજન છે.
