BiggBoss 18: બોલીવૂડનો સૌથી લોકપ્રિય અને લાગણીશીલ માનવામાં આવતા સ્ટાર સલમાન ખાન (Salman Khan) તાજેતરમાં બાળકો બચ્ચે બોલે મોર્યાની ઇવેન્ટમાં ઘણો અનકમ્ફર્ટેબલ લાગ્યો હતો, તેમને ઉઠવા-બેસવામાં પણ તકલીફ પડી રહી હતી. જો કે તેને આટલી પીડા હોવા છતાંય ઇવેન્ટમાં હાજરી આપી હતી. જેનાથી ફરી એકવાર તેનાં પ્રોફેશનલ કમિટમેન્ટને તે કેટલો સમર્પિત છે તે સાબિત કરી બતાવ્યું છે. આ ઇવેન્ટ પછી તેનાં ફેન્સમાં ચિંતાનું મોજું ફરી વળ્યું હતું, જેને દૂર કરવા સલમાને પોતે બિગબોસ 18ની બીજી એક ઇવેન્ટમાં ફેન્સની ચિંતા દૂર કરવા માટે પાપારાઝીને જણાવ્યું કે, તેમને તેમની આવનારી ફિલ્મ સિકંદરનાં સેટ પર શૂટિંગ દરમિયાન બે પાંસળીઓમાં ગંભીર ઇજા થઇ છે.
ગુરૂવારે બિગબોસની 18મી સિઝનનાં શૂટ માટે ભેગા થયેલાં પાપારાઝીને તેમણે તેમની ઇજા વિશે જણાવ્યું કે, શૂટ દરમિયાન તેની બે પાંસળીઓમાં ગંભીર ઇજા થઇ હતી. સલમાન તેની વેનિટીમાં જતી વેળાએ ફોટોગ્રાફર્સને પણ ચેતવતો જોવા મળ્યો, જેમાં તેણે કહ્યું કે, આરામથી, બે પાંસળીઓ ટૂટેલી છે.
આ વિડીયો વાઇરલ થતાં જ ફેન્સે તેમનાં સારા સ્વાસ્થ્ય માટેની શુભેચ્છા પાઠવી હતી. કોઇએ તેને કહ્યું કે “Get Well Soon Salman Bhai” તો બીજા યુઝરે કહ્યું કે, “Always with Bhai” અને એક યુઝરે કહ્યું કે, “Nothing is more important than health…take care Salman Sir!” આમ સલમાન માટેનો પ્રેમ ફેન્સે દિલ ખોલીને જાહેર કર્યો હતો.
સલમાનનાં નજીકનાં મિત્રે ANIને આપેલી માહિતીમાં જણાવ્યું હતું કે સલમાન ખાન હવે સ્વસ્થ છે અને સિકંદર ફિલ્મનું તેમનું શૂટિંગ રાબેતા મુજબ ચાલુ રહેશે. આ ફિલ્મ તેમની કારકીર્દીનો મોટો પ્રોજેક્ટ છે જે આ વર્ષે ઇદ ઉપર રિલિઝ કરવાનું પ્લાનિંગ છે. ફિલ્મમાં સલમાનની સાથે રશ્મિકા મંદના પણ જોવા મળશે. એક્ટર આ માટે હૈદરાબાદમાં 45 દિવસનાં શૂટિંગમાં વ્યસ્ત રહેશે.
આ ઉપરાંત સલમાન ખાન છેલ્લાં 15 વર્ષથી ખૂબ જ લોકપ્રિય થયેલાં રિયાલિટી શો બિગબોસની 18મી સિઝનની પણ તૈયારી કરી દીધી છે. જેનું પ્રિમીયર લગભગ આગામી અઠવાડિયામાં થવાની સંભાવના છે.
